اهلاً ياجميلات
مبارك عليكم الشهر , الله يتقبل منا ومنكم صالح الأعمال
طبعاً كلنا نحلم بعيون كبيره وحلوه
والعين بالنسبه لي اهم شي بالوجه من ناحيه المكياج
يعني لو ضبطت العين كل شي يهون خخخخ
فيه خطوات دايم اسويها بمكياجي واخليها تبرز عيني اكثر وتكبرها
فحبيت اشارككم فيها ..
الخطوه الاولى : الظل الفاتح
افضل الظل الشيمر يعني اللي فيه لمعه
يبرز الجفن بشكل جميل خصوصا لو كان جفنك قصير
اللون البيج عالجفن والبني خفيف على لحمي احطه على كسرة الجفن
الخطوه الثانيه : إضاءه على مدمع العين
الاضاءه اللي على مدمع العين ما استغني عنها بجد جميله لو كثيره او خفيفه
وغالبا يكون اللون فاتح مره قريب للابيض او ممكن ابيض واحبه بشيمر قوي
يعطي عيون جذابه وتكبر العين
واحب استخدم هالفرشه , صغيره اقدر اتحكم فيها اكثر
الخطوه الثالثه : الكحل الابيض او البيج
* اذا جد تبين عيون اكبر حطي جوا عيونك الكحل الابيض او البيج
واذا ابيض لا تكثرين عشان مايعطي عيونك شكل غريب
* الكحل الابيض في نهايه زاويه العين
ماكنت اجرب هالحركه كثير بس لما سويتها صدق لاحظت الفرق
تكبر العين وجميله جميله :(
الخطوه الرابعه : عكف الرموش
لما تعكفين رموشه راح تترتب ويعطي عينك شكل مصحصح اكثر > ماعرفت اعبر هههههه
يعني كأنها مفتوحه خاصتا للي رموشها مستقيمه ونازله
الخطوه الخامسه : الرموش
الرموش الطبيعيه تعطي كثافه لرموشك خاصه الرموش اللي من الوسط اطول
تعطي شكل اكبر للعين
الخطوه السادسه : المسكارا
مثل ماقلت بالخطوه السابقه
لما اجي احط المسكارا اركز عالوسط اكثر شي والرموش السفليه
الخطوه السابعه : العدسات
العدسات باللون الفاتح والكبيره
كل خطواتي تقريباً موضحه في هالصوره
اضاءه عند مدمع العين - رموش معكوفه - ضل فاتح عالجفن وضل غامق على الكسره- كحل ابيض جوا العين واضاء على زاويه العين الخارجيه
حاجات تبعدين عنها اذا ماتبين عيونك شكلها اصغر
اول شي / الكحله السودا داخل العين خاصتا في مدمع العين او نهايته تصغر العين مرره :(
ثاني شي / الظل الغامق
وهنا صوره توضح الفرق
وبسس .
وخلصت تدوينتي اليوم ان شاءالله استفدتو لو حاجه بسيطه :*
واشوفكم قريب ان شاءالله
سلام
مشكوره ياقلبي
ردحذفلمى قريت العنوان ما توقعت استفيد منه
بس صار العكس
وحبيت اسالك
عن الظل اول صوره من اي ماركه ؟
والكحل الابيض جربت ابيض ما حسيته ضبط اتوقع لو اجرب مايل للبيج او درجه ثانيه يمكن يضبط ولا ؟
افا يعني ما يشوق :( هههههه
حذفمن نيكس درجات برونز
والابيض يجذب اكثر بس ممكن كنتي تكثرين ارسمي الخط مرتين بس وبينفع والبيج بيكون طبيعي اكثر وكثير يفضلونه على الابيض 🙈
مدونتك جميله استمري ونبي تنسيق الجامعه
ردحذفياحبيبتي انتي شكرراً ، ان شاءالله بحاول 🙊❤️❤️
حذف