مرحبا ياجميلات ..
كيفكم وكيف تجهيزات الدوام :( يمه صدق ما امداني اقول وناسه اجازه
كيف الايام تمشي ومو حاسين فيها :( ادري ادري استفتاحيه كئيبه ههههههه
يلا ان شاءالله تعدي هالسنه على خير وتصير فيها حاجات حلوه ونطلع فيها ب نتايج احلى يارب
اليوم بوستي بيكون عن مفضلاتي للفتره اللي راحت وبتكون عشوائيه حبتين :$
اول شي ببدا فيه هو منظف المكياج بالحليب من سيفورا
يصلح للي بشرتها جافه وماينفع لها التونر هذا مره مناسب
حجمه اقتصادي ويرطب والاهم يشيل مكياج الوجه بسهوله
اخذ كميه منه وافرك بها وجهي وبعدين امسحه بقطنه
من سيفورا
بالاربعينات
غسول ديب كلين من نيتروجينا
مرره حبيته لاحظت فرق ببشرتي بعد ما استعملته
صارت مشرقه وخفت الحبوب وينظف من جد
انظف فيه مكياج وجهي احيانا
واغسل فيه اسفنجه المكياج والفرش احيانا اخرى ههه
بالصيدليات سعره بالثلاثين
بودي سبراي من بوتس بالمنقا والببايا
ريحته اتعب وانا اقول انتعاش وجمال :(
ريحته ثابته وتجنن
اخذت الشور جيل من نفس الريحه بس مو ذاك الزود .
اخذته ب 10 ريال (بالتخفيض) وبدون تخفيض ب 25
من صيدليه بوتس
صابون يدين من باث بالتوت الاسود
ادمااان لدرجه كل شوي اغسل يديني بس كذا عشان ريحته ههههه
هو زي الجل وفيه حبيبات ريحته تثبت ل ساعه ونص ساعتين
بس احلى مافيه لما اغسل ريحته تنتشر بكل المكان
جربت غيره كثير روائح بس مو زي رحه هذا قويه !
سعره ب 35 من باث اند بودي وركس
مزيل مناكير كلاسيك
تكلمت عنه بالانستقرام
مرره احبه ودايما هو اللي استخدمه
جربت غيره كثير بس هذا اللي عجبني منهم
يشيل من قلب وريحته مو قويه
بالصيدليات والسوبر ماركت ب4 ريال
مناديل لازاله المكياج من بوتس
للعين والرقبه والوجه
حلوه وتشيل المكياج كله بمنديل واحد بس
الحلو فيه انه ناعم ولطيف عالوجه
ب 16 ريال من صيدليه بوتس
مناديل ازاله المكياج من فاتيكا
المنديل يجي مرره رطب ويشيل لك المكياج والمسكارا الثقيله
حبيته مره بس شويه خشن عالوجه يعني لو فركت عيني به كثير
تبدا تحرني
بالسوبر ماركت ب 7 ريال
مفضلا المكياج .
ماسكارا سكندل آيز من ريميل
تكلمت عنها بالبوست اللي فات
بيبي ليبز ميبلين
احسن مرطبات شفايف جربتهم
ترطيبها حلو ومو ثقيله وريحتها حلوه
وطعمها حلو وتطول عالشفايف
ب 15 ريال
مقشر الشفايف من ايلف
تكلمت عنه اكثر بالانستقرام
جمييل يقشر من قلب ويرطب
وسهل استخدامه
تحصلينه بالمتاجر الالكترونيه بحدود ال20 لل30
ارواج ويت ان وايلد
مره حابتهم هالفتره
الوانه واضحه وكريمي بس ثابت
واسعاره جميله
العيب التغليف لازم لما اسكره يحوس الغطا :(
ب 20 ريال من المتاجر الالكترونيه
اضاءه من ايلف
حلوه لمعتها مو اللي مره حفله ولاهي اللي مره خفيفه
جميله وتبين طبيعيه وحلوه للخد ومدمع العين
فيها لون وردي خفيف
كونسيلر فيت مي ميبلين
كثير هبو فيه البنات هالفتره وبصراحه حبيته
تغطيته متوسطه ومايخطط
ينفع للاستخدام شبه يومي
كريم لاينر او جيل لاينر من ايلف
اتعب وانا اقول جميل
ثابت وسواده حلو وسهل بالرسم مو ثقيل
وعلى انه كريمي بس مايتلطخ ينشف بسرعه
والفرشه اللي معاه حلوه
كحل سايل من اتش اند ام
لونه زيتي جميييل
حبيت اكسر روتين الكحل الاسود , استخدمه احيانا للدوام
حلو ومو مبالغ فيه ومع المسكارا يطلع جمييل
فرشته رفيعه وسهل بالرسم
ضد المويه بس لما يطوول يبدا يتقشر
فرشه البفنق من ريل تكنيكس من المجموعه الاساسيه
تدمج الفونديشن صح
وتعطي تغطيه حلوه وتخلي الكريم يتجانس مع البشره بشكل حلو
مناكير اتش اند ام
اليمين بشيمر واليسار بقليتر
مرره حلوين واحجامهم حلوه وجودتها كويسه
اخذتها بوقت التخفيض ب 5 ريال
مفضلات البرامج
البرنامج تعلم الكوريه - learn korean
فيه كثير لغات من نفس الاب
حلو وسهل ومقسم تقسيم جميل
وفيه ترجمه بالانقلش والكلمه مكتوبه بالكوري
والنطق بالصوت بالسريع والبطيئ
تعلمت منه كلمات كثييرر
Covet fashion
اوكيه ممكن تقولون بزر بس جد احب العب هالنوع من الالعاب ههههه :(
يكون عندك دول وتشترين لها ملابس وتنسقين ملابس واكسسوار وكذا
تغيرين لونها ومكياجها وشعرها
تحضرين ايفنتات فيها وتفوزين اذا خذتي تصويت فوق ال4
صراحه استفدت منها بعد كم مره يجي على بالي تنسيق من ملابسي من هاللعبه
وفيها بعد تسوق او لاين لنفس القطع المعروضه باللعبه
حلوه حلوه جربوها هههه
وبس هاذي انت مفضلاتي واكثر حاجات حبيتها بالفتره اللي راحت
لو حابه تتابعيني عالانستقرام
@BD_BLOGGER
وتويتر
@BLACKDIAMONDRS1
😍😍 تسلمين
ردحذفالله يسلمك 3>
حذف