السلام عليكم ورحمة الله وبركاته
اجازه سعيده للي أجزو واللي لسى الله يوفقكم وتلحقونا *فيس مرتاح*
من شهرين تقريبا طلبت لي كم شغله من متجر بلا حدود ومن ضمنها جهاز ابويل لتنظيف البشرة
وكم بنت طلبت رأئي فقلت بجربه زين واكتب عنه بوست كامل
الجهاز صناعته صينية وحاصل على شهادة الايزو , يشتغل على بطارية عاديه يحتاج 4 بطاريات وتجلس فتره طويله
هو ضد الموية وهالشي حمسني آخذه , يجي معاة اربعة رؤوس ( اسفنجي - فرشة وجه -فرشة جسم - حجر قدمين )
قوتة عاديه يعني مو سريع مره
فرشة الوجه : حلوه وتنظيف بشكل عمييق بس مو ناعمه يعني مره وحده باليوم واذا اكثر ممكن تتحسس بشرة الوجه , استخدمها لتنظيق المكياج مع الغسول وتشيله مره تمااام حتى لو المنظف خربوطي , انا بشرتي جافه لكن ماتسببت لي بحساسية او قشور او احمرار واستخدمها بشكل خفيف , بعد الاستعمال لمدة شهرين تقريبا مالاحظت تلف بالفرشه كأنها جديده
* كاتبين بالتعلميات يستخدم مره باليوم للبشرة الجافه ومره لمرتين للدهنيه .
فرشة الجسم : نفس فرشة الوجه من ناحية النعومه وكل شي بس انها اكبر لكن ماحبيتها , الجهاز مو قوي حسيته جدا بطيئ على الجسم ولا ينظف لأنه مو قوي فـ استعمله للرقبه والاماكن الصغيره او المرافق والركب
رأس الاسفنجه : الاسفنجة مرنه وقويه حبيت هالشي لكن تتوسخ بسرعه ومعروف الاسفنج يمتص ف تمتص لي الكريم كله جربتها مره وبطلت اجربها مره ثانيه ممكن انظفها واستعمالها للزيوت اللي يبيلها مساج خفيف عالوجه
الرأس الحجري : الحجر مره شابك بالقاعده وقوي بس تراها صغنونه , حبيتها لحالها بدون الجهاز لانه مو قوي للقدمين
بس الحجر حبيته ةيشيل الجلد كويس
الجهاز اخذته من متجر بلا حدود بالانستقرام سوو بحث وتحصلون كذا متجر سعره بـ120 ريال سعودي
اقيمه 6/10
وهل انصح انك تاخذينه !
ايه اذا تبغين جهاز تنظيف قوي للوجه وبسعر حلو
وبس هذا كان كل شي ان شاءالله استفدتو =)
ليست هناك تعليقات:
إرسال تعليق
يسعدني تعليقك 3>