drugstore mascara / ماسكارات الدرقستور ريفيو لها + تقييمي + سواتشات

مرحبا حبيباتي 

كيفكم وكيف رمضان معاكم ! 

انا عن نفسي انهلكت وحنا ما تمينا 10 ايام :( 

مو طبيعي انو يروح نص يومي وانا بالمطبخ شوي وافرش لي فراش واسكن فيه  اختصر المسافات و اريحلي ههههههه :"(

المهم اليوم تدوينتي ان شاءالله بتكون عن ماسكاراتي من الدرقستور 

ايش يعني درقستور ؟ يعني المنتجات متوسطه السعر اللي تحصلينها بـ لايف ستايل وسيتي ماكس وصيدليات التجميل ...

حاولت اختار مجموعه متنوعه فرشها عشان ترضي جميع الاذواق احم احم هههههه

طيب .. اول خطوه لما تبين تشترين ماسكارا لازم انتي تحددين طلبك 

يعني مثلاً ممكن ابي ماسكارا تخلي لرموشي كثافه وطول طبيعي

او مثلاً ابي طول وكثافه من متوسطه لطبيعيه مو ضد المويه او ابي كثافه كثيره وطول وضد المويه 

وهكذا ف عشان كذا صعب احيانا نلاقي المسكارا اللي ترضينا :( 

طيب اول شي راح ابدأ بمسكرة : Rimmel Scandal eyes 

جميله جميله :( تعطي كثافه وطول كثير

 كأنك مركبه رموش اذا حطيتي طبقتين منها 

ماتكتل ترتب الرموش وماتتنثر تحت العين بعد مده 

ضد المويه و تنفع للسهرات غالباً 

اعطيها 9/10

سواتش لها 

المسكارا الثانيه  : maybelline great lash

حلوه وتنفع يوميه مره 

تعطي كثافه وطول متوسطين وتفرق الرموش ماتكتل  يعني تعطي لوك طبيعي وحلو

مو ضد المويه يعني سهله تنشال 

اعطيها 7/10

سواتش لها 

الماسكارا  الثالثه : maybelline big eyes

تشبه للي قبلها 

لكن تطول اكثر من انها تكثف 

الحلو فيها انها بجهتين للرموش العلويه والرموش السفليه 

حبيتهم كلهم وتنفع يوميه ماتكتل وتعطي طول حلو 

اعطيها 7/10

سواتش لها

المسكارا الرابعه : Bourjois Volume Glamour

من الماسكرات المفضله عندي 

تعطي طول طويل > خاني التعبير ههههه 

تطول مره وتكثف بس عيبها تكتل يعني احتاج امشطها بفرشه رموش بعدها 

ماتلطخ للرموش السفليه 

ضد المويه , فـ صعبه تنشال 

تنفع للسهرات اكثر شي 

اعطيها 7/10 

سواتش لها 

الماسكارا الخامسه :  maybelline the colo ssal volum

ضد المويه  بس سهله تنشال 

ماتكتل بس فرشتها كبيره على الرموش السفليه 

تعطي كثافه وطول متوسطين 

اذا كثرتي منها الطبقات تعطيك كثافه وطول اكثر وماتكتل هاذا الحلو فيها 

  بس تنفع يوميه 

اعطيها 7/10

سواتش لها 

الماسكارا السادسه : bourjois volume clubbing

هاذي حبيبتي عاد كل ماتخلص اشتريها :(

احب سوادها وكثافتها مره تجنن , ماتطول الرموش  مره 

بس عيبها تكتل وتتناثر اذا جلست عالعين كثير 

ماتنفع يوميه ابدا,  تتعب الرموش 

اعطيها 8/10 

سواتش لها 

الماسكارا السابعه : nyx fax lash 

فيها شعيرات صغيره 

طولها وكثافتها عاديه جدا الى منخفضه 

تعطي لوك طبيعي جدا جدا جدا >درينا 

سهله تنشال 

اعطيها 2/10

وهاذي كانت اخر ماسكارا 

ملاحظات : 

1 : السواتشات كلها من النت 

2: الريفيوات كلها من تجربتي  ف ممكن نظرتي لها تختلف عن نظرتك لها وعموماً الماسكارا انتي اللي تقدرين تتحكمين فيها غالباً 

3 : اماكن شرائها : من الصيدليات او لايف ستايل وسيتي ماكس والتاجرات الالكترونيات واسعارها ماتتعدى ال100

4: لنتايج احسن للرموش استخدمي قبلها عكافه الرموش 

5: دايم اذا خلصت ماسكرتك احتفظي ب فرشتها نظفيها وخليها عندك عشان اذا حسيتي ان رموشك تكتلت تمشطينها وترتبينها 

6: اذا حسيتي ماسكارتك نشفت حطي بكاسه نصها مويه مغليه واتركيها عشرين ل ثلاثين دقيقه 

وبس خلصيت هههه

ان شاءالله حبيتو التدوينه لو استفدتي لو حاجه بسيطه دعوه صغيره  منك لي :$

ان شاءالله اشوفكم قريب 

مع السلامات