السلام عليكم ورحمه الله وبركاته
كيفكم شخباركم وكيف تجهيزات العيد !
اليوم التدوينة خفيفه جدا عن منتج واحد حبيته مره مره من كل ناحيه
هو مقشر سعته 200 مل *كميته رااهيه *
سعره مايتعدى الـ 15 احصلة غالباً في سوبر ماركت كارفور
وسمعت موجود بنزيه ومتجر فانيلا يبيعون بعض منتجات نايتشرز باونتي
جربت منه ثلاث انواع
بالبابايا - بالجوز - بالمشمش
ريحتهم هاديه مو قويه بس لطيفة وكل مقشر له فايدة
لكن
مالاحظت فرق كبير بينهم ابدا احس كلهم زي بعض عدا اللون والريحه الخفيفه
المقشرات فيها حبيبات تقشير صغيره لكن تقشر من قلب هو للوجه بس استخدمة للجسم بعد ومره حبيته
المقشر حسيته كريم مع حبات تقشير وهالشي مايخلي البشره جافه بعد الاستخدام زي بعض المقشرات
للامانه افضل مقشر جربته من ناحية التقشير والتنظيف والنعومه والريحه والترطيب والكميه والسعر :"]
طريقتي بالتقشير: اغسل وجهي واجففه شوي واحط كميه قليله وادلك بشكل خفيف
اما الجسم احب استعمله وجسمي شبه جاف يعني اشطفه بمويه واتركه شوي ينشف بعدين اقشر فيقشر بشكل اقوى
لان المويه تنزل حبيبات التقشير
اماكن التقشير : لازم تراعين سماكه الجلد بالمناطق يعني الركبه مو زين الوجه او حوالين الفم
الاماكن الرقيقه مثل الرقبه الصدر والوجه تحتاج خفه بالتقشير
اما المرافق والركب التقشير يكون اقوى
حركة التقشير : الافضل نقشر الوجه او الجسم بحركه دائرية عشان تتنشط الدورة الدمويه وتضمنين ان كل الاماكن تقشرت
بعد التقشير مهم تتاكدين انك غسلتي المقشر كله ونظفتيه زين لان اذا صار فيه بقايا ممكن يتاثر الجلد او يسبب حكه
واخيرا الترطيب مهم حتى لو كانت بشرتك دهنيه الترطيب مهم
وبس خلصنا التدوينة اتمنى لو جربتو المنتج تحبونه
ونشوفكم بتدوينة جاية ان شاءالله
انستقرام +سناب تشات : bd_blogger
ليست هناك تعليقات:
إرسال تعليق
يسعدني تعليقك 3>