روتيني للاستعداد للعيد او اي مناسبه ♥

السلام عليكم ورحمه الله وبركاته 

كل عام وانتم بخير ويارب ينعاد علينا وعليكم بصحه وعافيه ❤️

تدوينتي اليوم راح تكون عن تجهيز نفسك للعيد او اي مناسبة 

الخطوات بسيطه وتحتاج منك يومين الى ثلاثه قبل المناسبه وراح تغير مظهرك للاحسن ان شاءالله بدرجه كبيره 

فيه بعض البنات  تحب تبدا قبل بشهر لكن انا عندي روتين يومي  اعتني ببشرتي من تقشير وترطيب وماسكات

ونفس الشي الشعر ف احتاج تكثيف ب آخر ثلاث ايام بس

وليلة العيد الشاور المعتاد تقشير وترطيب 

قبل ما ابدا الجلسه وكذا دايما احب ارتب غرفتي ومغسلتي انظفهم واخليهم مكان استرخاء
عشان اعيش الاجواء صح  هههه وارتاح من كرف شهر كامل :( بس والله جد تتغير النفسيه 180 درجه  =)
ودايما اجهزلي فيلم او مسلسل او اي شي باليوتيب مع كوب شاهي واجيب اغراض الاظافر واجلس

اول شي احب ابدا فيه البشره 

الخطوه الاولى : 

ديما ابدا بالتقشير للوجه عشان الجلد الميت يروح والاوساخ و تكون المسامات مفتوحه واقدر بعدها انظفها

ممكن تستخدمين مقشرات جاهزه او انتي تسوينها بالبيت 

اكثر مقشرين احبهم / مقشر نايتشرز باونتي تكلمت عنه بتدوينه كامله هنا
او مقشر توني مولي بالسكر

مقشر منزلي : 

مقلعه سكر 

ملعقه ليمون معصور 

ملعقه زيت زيتون 

الخطوه الثانيه :

ازاله الرؤس السودا 

بالانف او الخدود , ممكن تستعملين لصقات جاهزه او منزليه

افضل المنزلي اقوا واوفر

طريقته :

ملعقه جيلاتين بدون نكهه + ملعقه حليب سايل 

وبالمايكرويف 10 ثواني بعدها عالانف او الخدود او الوجه كله 

لين ينشف وشيليه 

الخطوه الثالثه :

الماسك ينظف ويشد ويضيق المسام 

ممكن تحطين الماسك عالوجه بس او وجه ورقبه
اذا ماعندك جاهز ممكن تسوينه بالبيت
مثلا : ملعقه عسل
ملعقه ليمون معصور
موزه مهروسه او نص افوكادو مهروسه

او ممكن تستخدمين الجيلاتي الي فوق لكل الوجه .

الخطوره الرابعه :

التونز , يوازن الدهون بالبشره وينظف زياده ويضيق المسام
بالقطنه وامسحي وجهك ورقبتك 

وممكن تستخدمين بداله موية ورد

الخطوه الرابعه :

الترطيب , احب اخلط هالكريم مع زيت اللوز الحلو يعطي ترطيب بدون مبالغه  يجلس يوم كامل مع الوضوء ❤️❤️

* الشعر :

الخطوه الاولى :

ماسك للشعر , زيت للشعر

الفايده من زيتوت الشعر ترطيب ف ابدا ما احط الزيت بدايه من الفروه لان ياثر عالفرون وفي توازن دهونها

ف احط الزيت بدايه من نص شعري للاطراف واتركه نص ساعه

احب استخدم هالزيتين 
زيت جوز الهند العضوي - زيت فاتيكا بالحنا والجوز وليمون
وممكن زيت زيتون او اي زيت تحبينه 
وبعدها وقت الاستحمام ماسك للشعر حزمة الارغان تكلمت عنه هنا

الخطوه الثانيه :

بعد الاستحمام كريم شعر او بخاخ

يعطيه رطوبه ولمعه وريحه حلوه

وبعدها امشطه بمشط خشب وسيع الاسنان واتركه ينشف

* الاظافر :

الخطوه الاولى :

قص الاظافر 

تبريد الاظافر وتلمعيها بمكعب بوتس 

وبعدها احط مقوي الاظافر وخليه فتره واشيله بمزيل مناكير 

واغسل يدي بعدين ماسك للاظافر او ممكن تستعملين زيت  او جيل الالوه او الصبار مع تدليك للاظافر

او ماسك اظافر منزلي اللي هو :

تجيبين منديل وتطوينه 

وتحطين فيه زيت اللوز الحلو او زيت زيتون ونقطه كريم او زبده جسم 

ونقطه جل صبار *ممكن تستغنين عنه * 

وثلاث عصرات ليمون ولفيها عالاظفر وخليها 10 دقايق 

تعطي الاظافر قوه ولمعه صحيه وترطيب

* صورة من الانستقرام لطريقه المنديل والاشياء اللي استخدمتها 

* الاقدام :

الخطوه الاولى :

احط رجليني بمويه دافيه 

وبعد ماتلين اقص الاظافر
وبعدها استخدم حجر الاقدام واشيل اطراف القدم الجافه

وبعدها استخدم قفازات التقشير واقشر كل الرجل بها

وبعدها  اترك رجولي تجف وارطب بجليسوليد والبس شرابات
صح ثقيل  بس مره ينعم ويرطب

وبكذا خلصت التدوينه اتمنى استفدتو لو شي بسيط
وخبروني لو حابين احكي عن مكياج العيد  ♥